گروپی فاروق بۆ وەبەرهێنان لەلایەن خاوەنکاری بەناوبانگ بەڕێز فاروق مستەفا ڕەسووڵ لە ساڵی (٢٠٠٨) دامەزراوە. گروپی فاروق بۆ وەبەرهێنان میراتێک بەرجەستە دەکات کە ڕەگ و ڕیشەی لە دەیان ساڵی دیدگای خاوەنکاری بەڕێز فاروق مستەفا لە ساڵی ١٩٧٠وە سەرچاوەی گرتوە.

کاک فاروق ئەزموونی زیاتر لە (٤٠) ساڵی لە بواری بازرگانی و وەبەرهێنان هەیە. دیدگای کاک فاروق هەمیشە بریتی بووە لە فراوانکردنی ئابووری هەرێمی کوردستان و عێراق لەڕێی وەبەرهێنان و گەشەی پیشەسازییەوە، هەروەها پشیوانیکردن لە باشترکردنی ژینگە لەڕێی پرۆژەی سەوزی بەردەوامەوە.

ئەمڕۆ کاک فاروق وەک سەرۆکی دەستەی کارگێڕی کاردەکات و گروپی فاروق بۆ وەبەرهێنان بەرەو سەرکەوتنی بەردەوام و داهێنان لە وڵاتدا بەڕێوەدەبات. گروپی فاروق بۆ وەبەرهێنان لە گروپێک کۆمپانیای داینامیکی پێکهاتووە کە ڕابەرایەتی پرۆسەی دووبارە ژیانەوەی هەرێمی کوردستان و عێراق دەکات لەڕێی (١٣) کەرتی گرنگەوە بۆ ئاوەدانکردنەوەی وڵات.  گروپی فاروق بۆ وەبەرهێنان لە (٢٤) کۆمپانیا پێکهاتوە کە لە کەرتەکانی وەک پەیوەندییەکان و تەکنەلۆژیای زانیاری و میوانداری و هوتێل و بەرهەمهێنانی چیمەنتۆ و خزمەتگوزاری پزیشکی و پەرەپێدانی خانووبەرە و بەرهەمهێنان و چارەسەرکردنی پاشماوە و داهێنانی بیناسازی و خزمەتگوزاری دارایی و دڵنیایی و ووزەی خۆرو وەبەرهێنانی گەشتیاریدا کار دەکات.

گروپی فاروق بۆ وەبەرهێنان ڕۆڵی گرنگی هەبووە لە پێشکەوتنی بەرچاو لە بواری کۆمەڵایەتی و ئابووری لە عێراقدا. بەو دەستی کارەی کە هەیەتی و دەگاتە زیاتر لە (٧٠٠٠) کارمەند لە کۆمپانیاکانیدا، گروپی فاروق بۆ وەبەرهێنان بە بناغەی دامەزراندن و گەشەکردن دادەنرێت لە وڵاتدا. هەموو کۆمپانیایەکی ناو گروپی فاروق بۆ وەبەرهێنان تەرخان کراوە بۆ پێشکەشکردنی بەرهەم و خزمەتگوزاری بێ وێنە کە بەشێوەیەکی وورد بۆ دابینکردنی پێداویستیە جیاوازەکانی بازاڕەکانی عێراق دانراون. کۆمپانیاکانی گروپی فاروق بۆ وەبەرهێنان پابەندن بە یەکخستنی هەموو هەوڵەکان بۆ بەدیهێنانی خەون و  خواستە کانی کۆمەڵگە و پێکهاتە هەمەچەشنەکانی هەرێمی کوردستان و عێراق و پەروەردەکردنی دیدێکی هاوبەش بۆ داهاتوویەکی گەشەسەندوو.